Search This Blog

Sunday, July 10, 2011

ജയസൂര്യയുടെ കാമുകനായി പൃഥ്വി


1. ജയസൂര്യ പെണ്‍വേഷം കെട്ടുന്ന അര്‍ദ്ധനാരീശ്വരന്‍ എന്ന ചിത്രത്തില്‍ കാമുകവേഷം പൃഥ്വിരാജിന്. നടന്‍ അനൂപ് മേനോന്‍ കഥയെഴുതുന്ന ചിത്രത്തിന്‍റെ സംവിധാനം രതീഷ് രവിയാണ്. വാരണാസി, ഹംപി എന്നിവിടങ്ങളില്‍ ചിത്രീകരിക്കുന്ന അര്‍ദ്ധനാരീശ്വരനില്‍ മറ്റ് പെണ്‍വേഷങ്ങളുമുണ്ട്. ജയസൂര്യയുടെ ചേച്ചിയായി കോമഡിതാരം സൂര്യ (യഥാര്‍ത്ഥ പേര് വിനോദ് വി. യു.) അഭിനയിക്കുന്നു.

2. കോമഡി താരം പുന്നപ്ര പ്രശാന്ത് ആദ്യമായി അയ്യപ്പബൈജുവിനെ അവതരിപ്പിക്കുന്നത് കുവൈറ്റിലെ ഒരു പരിപാടിക്കിടയിലാണ്. ഒരു യാത്രക്കിടെ അങ്കമാലിയില്‍ വച്ച് ഒരാള്‍ ഫിറ്റായി 'വഴിയരികില്‍ ..' പാടുന്നത് കണ്ടാണ് ആ കഥാപാത്രം ജനിക്കുന്നത്. അക്കാലത്ത് ബൈജു എന്ന പേരിന് പാവത്താന്‍-വിഡ്ഡ്യാന്‍ പരിവേഷമുണ്ടായിരുന്നു. (ശശി മറ്റൊരു പേര്). ഗള്‍ഫില്‍ അയ്യപ്പബൈജുവിന് പ്രതിഫലം 75,000 രൂപയാണെന്ന് കേള്‍ക്കുന്നു. നാട്ടിലെ ഒരു സ്‌റ്റാര്‍ ഗാനമേളക്ക് ഒരു തബലിസ്‌റ്റിന് മൂവായിരം രൂപ. വിദേശത്താണെങ്കില്‍ പതിനയ്യായിരം. പ്രതിഫലം തീര്‍ച്ചയായും ഏറിയും കുറഞ്ഞുമിരിക്കും.

3. ഏഷ്യനെറ്റിലെ മുന്‍ഷിയുടെ ആശാന്‍ അനില്‍ ബാനര്‍ജി പുതിയൊരു വെബ് പത്രത്തിനും തിരി കൊളുത്തിയിട്ടുണ്ട്. അലക്ക്‌കമ്പനി എന്ന സൈറ്റ് വാര്‍ത്തകളെ അലക്കി വെളുപ്പിക്കുമെന്ന് വാഗ്‌ദാനം. ദാനം കിട്ടുന്ന പശുവിന്‍റെ അകിടില്‍ എത്ര മുലകളുണ്ടെന്ന് ഇപ്പോള്‍ ഫ്രീയായി വായിക്കുന്നവര്‍ക്ക് നോക്കണ്ട. http://www.alakkucompany.com/

2 comments:

വീ.കെ.ബാല said...

"ഒരു തബലിസ്‌റ്റിന് മൂവായിരം രൂപ. വിദേശത്താണെങ്കില്‍ പതിനയ്യായിരം"
അമ്പടാാാാാ അപ്പോൾ ഇതായിരുന്നു മനസ്സിലിരുപ്പ്...... ഹവാലി മീറ്റ് ഓർമ്മവരുന്നു......
ഓർമ്മപ്പെടുത്തലിന് നന്ദി..

സുനില്‍ കെ. ചെറിയാന്‍ said...

സന്തോഷം കല്യാണിക്കുട്ടി, വീ.കെ ബാല. സൂര്യയുടെ മറ്റൊരു ഫോട്ടോ ചേര്‍ത്തിട്ടുണ്ട്.

Blog Archive