Search This Blog

Tuesday, July 7, 2009

വാര്‍ത്തകള്‍വാര്‍ത്തകള്‍

1. ആഞ്ജലീന ജോളിയാണു ഹോളിവുഡിലെ ഏറ്റവും വരുമാനമുള്ള നടി. ഫോര്‍ബ്സ് മാഗസിന്‍ പുറത്തു വിട്ട കണക്കനുസരിച്ച് ആഞ്ജലീന ജോളിയുടെ കഴിഞ്ഞ വര്‍ഷത്തെ വരുമാനം 27 ദശലക്ഷം ഡോളറാണു. ആഞ്ജലീനയുടെ ഭര്‍ത്താവ് ബ്രാഡ് പിറ്റിന്‍റെ മുന്‍ ഭാര്യ ജനഫര്‍ അനിസ്റ്റണ്‍ ഏറ്റവും കൂടുതല്‍ വരുമാനമുള്ള നടിമാരില്‍ രണ്ടാം സ്ഥാനത്താണു (25 ദശലക്ഷം ഡോളര്‍). ഹോളിവുഡ് നടന്‍മാരില്‍ ഹാരിസണ്‍ ഫോഡ് ഏറ്റവും കൂടുതല്‍ വരുമാനമുണ്ടാക്കുന്നു. 65 ദശലക്ഷം ഡോളറാണു അദ്ദേഹത്തിന്‍റെ കഴിഞ്ഞ കൊല്ലത്തെ വരുമാനം.

2. ലണ്ടനിലെ ദ ടൈംസ് പത്രത്തില്‍ കണ്ട വാര്‍ത്ത: സൌത്ത് വെയില്‍സിലെ സെന്‍റ്റ് ഹെലെന്‍സ് ഗ്രൌണ്ടില്‍ നടന്ന ഒരു ലോക്കല്‍ ക്രിക്കറ്റ് കളിക്കിടെ ഫീല്‍ഡര്‍ എറിഞ്ഞ പന്തു കൊണ്ട് അംപയര്‍, 72 കാരന്‍ അല്‍ക്ക്വിന്‍ ജെന്‍കിന്‍സ് മരിച്ചു. തലക്ക് ഏറു കൊണ്ട അംപയറെ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല.

3. മൈക്കിള്‍ ജാക്‌സണെ അനുകരിക്കുന്നവര്‍ ലോകത്ത് ഒരുപാട് പേരുണ്ടെങ്കിലും ഓസ്ട്രേലിയയിലെ ജാസണ്‍ ജാക്‌സണ്‍ എല്ലാ അനുകര്‍ത്താക്കളേയും കടത്തി വെട്ടിയിരിക്കുകയാണു. വേഷത്തിലും രൂപത്തിലും ഡാന്‍സിലും മാത്രമല്ല, സിഡ്നിയിലെ ഈ ജാക്‌സണ്‍-ഡ്യൂപ് സ്വന്തം വീട് പോലും സാക്ഷാല്‍ മൈക്കിള്‍ ജാക്‌സണു നെവര്‍ലാന്‍ഡ് റാന്‍ചില്‍ ഉണ്ടായിരുന്ന വീടിന്‍റെ മാത്രുകയിലാണു പണിതിരിക്കുന്നത്. ഡാന്‍സ് പ്രോഗ്രാം അവതരിപ്പിക്കുവാന്‍ ഇപ്പോള്‍ ഒത്തിരി ബൂക്കിങ്ങ് കിട്ടുന്നുവെന്നാണു പുതിയ ജാക്‌സണ്‍ വെളിപ്പെടുത്തുന്നത്.

4. ന്യൂസിലാണ്ടിലെ ഒരു എട്ടു വയസുകാരന്‍ സ്വന്തം അമ്മയുടെ അര്‍ദ്ധനഗ്‌ന ചിത്രങ്ങള്‍ ഇന്‍റര്‍നെറ്റിലൂടെ വില്‍ക്കാന്‍ ശ്രമിച്ചുവത്രേ. 44 കാരിയായ അമ്മയുടെ അമ്പതോളം ഫോട്ടോകളായിരുന്നു ട്രേഡ് മി എന്ന സൈറ്റില്‍ വില്‍പനക്കുണ്ടായിരുന്നത്. അമ്മ അറിഞ്ഞതോടെ സംഗതി പ്രശ്നമായി. ട്രേഡ് മി വക്താക്കള്‍ ലേലം പിന്‍വലിക്കുകയും ചെയ്തു.

5. ലോകാരോഗ്യ സംഘടനയുടെ പുതിയ കണക്കനുസരിച്ച് ലോകത്ത് 94,512 പേര്‍ക്ക് പന്നിപ്പനി ബാധിച്ചിരിക്കുന്നു. 136 രാജ്യങ്ങളിലായി പടര്‍ന്നിരിക്കുന്ന രോഗത്താല്‍ മരണപ്പെട്ടവര്‍: അമേരിക്ക (170 പേര്‍); മെക്‌സിക്കോ (119). യൂറോപ്പില്‍ ഇംഗ്ളണ്ടിലാണു പാന്നിപ്പനി രോഗബാധിതര്‍ ഏറ്റവും കൂടുതല്‍.

1 comment:

വാഴക്കോടന്‍ ‍// vazhakodan said...

വാര്‍ത്തകള്‍ക്ക് നന്ദി സുഹൃത്തെ.

Blog Archive

Follow by Email