ഹെയ്തി നേര്‍ക്കാഴ്ച

അമേരിക്കന്‍ താര ദമ്പതികള്‍ ആഞ്ജലീന ജോളി-ബ്രാഡ് പിറ്റ് ഒരു മില്യണ്‍ യുഎസ് ഡോളര്‍ ഹെയ്തിയിലേക്ക് സംഭാവന ചെയ്തു. പല പ്രമുഖരും പല രീതിയിലുള്ള സംഭാവന പദ്ധതികളുമായി വരുന്നു. നടന്‍ ജോര്‍ജ്ജ് ക്ളൂണിയുടെ എം ടി വി ഷോ അതില്‍ ശ്രദ്ധേയം. ഫ്രന്‍ച്, അമേരിക്കന്‍ കോളനിവല്‍ക്കരണങ്ങളെ തുടര്‍ന്ന് പട്ടിണിയിലായ ഈ കരീബിയന്‍ ദ്വീപിന്, വെള്ളപ്പൊക്കവും ക്ഷാമവും നിത്യശാപങ്ങളാണ്.

ഭൂകമ്പശേഷം മരണം ഒരു ലക്ഷം കവിഞ്ഞ ഹെയ്തിയെക്കുറിച്ച് ഇന്സ്റ്റിറ്റ്യൂട്ട് ഒഫ് കറന്‍റ്‍ വേള്‍ഡ് അഫയേഴ്സിലെ പൂജ ഭാട്ടിയ നല്‍കുന്ന 'നേര്‍ക്കാഴ്ചാ വിവരണം' ന്യൂയോര്‍ക്ക് ടൈംസില്‍. ജനങ്ങള്‍ തെരുവിലിറങ്ങി പ്രാര്‍ഥിക്കുകയാണത്രെ, പോര്‍ട്ടൊ പ്രിന്‍സില്‍. സുരക്ഷാ പ്രവര്‍ത്തനങ്ങളെക്കുറിച്ച് ആര്‍ക്കും വിവരമില്ല. മൊബൈല്‍ ഫോണുകള്‍ പ്രവര്‍ത്തിക്കുന്നില്ല. കെട്ടിടങ്ങള്‍ വീണ്, റോഡ് അടഞ്ഞു. യുണൈറ്റഡ് നേഷന്‍സ് ഹെഡ്ക്വാര്‍ട്ടേഴ്സ് നിലം പൊത്തി. പൊലീസുകാര്‍ സ്വയം ഒളിച്ചിരിക്കുകയാണെന്നും ഹോസ്പിറ്റലുകള്‍ മുറിവേറ്റവരുടെ നേര്‍ക്ക് മുഖം തിരിക്കുകയാണെന്നും ദൈവം എന്താണ്, മറഞ്ഞിരിക്കുന്നതെന്ന് സന്ദേഹിക്കുന്ന ഭാട്ടിയയുടെ കുറിപ്പില്‍.