ടെലിഫിലിമിനു പറ്റിയ കഥ

ഒരു റസ്റ്ററന്റ്. കോര്‍ണര്‍ ടേബിളില്‍ യുവമിഥുനങ്ങള്‍ പ്രേമസല്ലപിക്കുകയാണ്. അവരുടെ ലീലകള്‍ നോക്കിനുണഞ്ഞ് ഭക്ഷണം വീണ്ടും വീണ്ടും ഓര്‍ഡര്‍ ചെയ്യുന്ന മറ്റ് ടേബിളിലുള്ളവരിലൂടെ പാന്‍ ഷോട്ട്. കമിതാക്കളുടെ ലീലകള്‍ ചിലപ്പോള്‍ അതിരു കടക്കും. ആളുകള്‍ വെയിറ്റ് ചെയ്യുന്നു, കഴിഞ്ഞെങ്കില്‍ എണീറ്റ് പോകൂ എന്ന് മറ്റ് ടേബിളുകരോട് വിനയപൂര്‍വം അഭ്യര്‍ഥിക്കുന്ന ബെയറര്‍. ഇണയരയന്നങ്ങളെ ബെയറര്‍ മൈന്‍ഡ് ചെയ്യുന്നില്ല. മറ്റുള്ളവര്‍ വന്നും പോയുമിരിക്കുന്നു. വൈകിട്ട് അവരുടെ കൂലിയും വാങ്ങിപ്പോകുന്ന 'യുവമിഥുനങ്ങള്‍' എന്ന അഭിനേതാക്കള്‍!